Abstraktet fituese për Konferencën Ndërkombëtare Shkencore “Fytyra e ‘armikut të popullit’ gjatë diktaturës së proletariatit në Shqipëri (1944-1990)”

Tiranë, 22 Mars 2019 – Autoriteti për Informimin mbi Dokumentet e ish-Sigurimit të Shtetit, organizoi më datë 22 mars 2019, takimin e rradhës të komisionit shkencor të Konferencës Ndërkombëtare Shkencore “Fytyra e ‘armikut të popullit’ gjatë diktaturës së proletariatit në Shqipëri (1944-1990)”, në përfundim të të cilit u përzgjodhën abstraktet fituese për pjesëmarrje në konferencë. Në këtë fazë të parë u paraqitën 40 abstrakte nga studiues të ndryshëm, nga të cilat u përzgjohën aplikantët dhe temat si më poshtë:

  1. Anjeza Xhaferaj – Revolucioni permanent në letërsi: Lufta kundër ‘Armikut të klasës’.
  2. Gjon Boriçi – “Kleri katolik shqiptar si imazhi simbol i perceptimit tё armikut tё popullit nga diktatura komuniste nё Shqipëri”.
  3. Lorenc Agalliu – “Armiku i djeshëm”, “kundërshtar i sotëm”. Metodat e përndjekjes ndaj klerit dhe çrrenjosja e fesë në Shqipëri gjatë viteve 1945-1967.
  4. Adriana Duka – Kleri si “armik i popullit” në letërsinë shqipe.
  5. Ilir Ademaj – Pakicat e Padëshiruara: ‘Çamët e pabesë’ si kundërshtarë politikë të regjimit komunist. Rasti i disidentit Bilal Xhaferri.
  6. Gjergj Sinani – Projektimi i “armikut të popullit” dhe ideologjia e tjetërsimit të individit.
  7. Thoma Shkira – Tipologjia e “armikut të popullit” dhe sjelljes së regjimit ndaj klerit ortodoks në Shqipëri (1944-1990).
  8. Leke Tasi – ‘Armiku i popullit’.
  9. Erjon Papagjoni – Kleri shqiptar, ‘Armiku i popullit’ formë e mprehtë e disidencës antikomuniste.
  10. Arjan Shahini – Edukimi i armatës së Sigurimit me imazhin e armikut.
  11. Vasfi Baruti – ‘Fytyra e armikes së popullit’ Ramize Gjebrea.
  12. Hamit Kaba – “Imperializmi amerikan-armik i përhershëm i regjimit komunist në Shqipëri”.
  13. Celo Hoxha – Armiku i vërtetë i popullit.
  14. Afrim Krasniqi – Koncepti i “armikut” në aktet politike në fundin e vitit 1990 dhe fillimet e vitit 1991.
  15. Brunilda Prifti – Përjashtimi nga historia e letërsisë, si dënim për shkrimtarët “armiq”.
  16. Enis Sulstarova – “Armiku në romanet e novelat me agjenturë të realizmit socialist”.
  17. Jonila Godole dhe Valbona Bezati – Politika kufitare gjatë regjimit komunist shqiptar.
  18. Etleva Smaci – Metamorfoza e “armikut të klasës” në radhët e Ushtrisë Popullore. Nga “oficeri i deklasuar” tek “oficeri puçist dhe oficeri poliagjent” (1954 – 1983).
  19. Julian Bejko – Imazhe, armiq dhe vese në shoqërinë komuniste.
  20. Suzana Kuka – Kur artisti shpallej “Armik i Popullit”.
  21. Sheldiana Jano – Lufta e klasave dhe ndryshimet në konceptin e saj përgjatë regjimit.
  22. Edona Jahiu – Konceptet: disidencë, disident në kuadër më të gjerë teorik.
  23. Florin Zyberaj – Disidenca shqiptare midis mitit dhe realitetit, rasti i Havzi Nelës.
  24. Luljeta Progni – Si e njoha unë “armikun e popullit”.
  25. Ana Lalaj – Disidenca në Shqipëri.
  26. Leonora Laçi – Dy “armiq të popullit” përmes dokumenteve të manipuluara, mons.Frano Gjini dhe mons. Zef Oroshi.
  27. Alma Mile – Fati i revistave kulturore “reaksionare” pas vendosjes së diktaturës në Shqipëri. Çfarë i bënte “armiqësore” revistat kulturore të viteve ’30-’40, ku shkruan Fishta, Koliqi, Merxhani, Poradeci, Migjeni, etj.
  28. Altin Hazizaj – Beyond Criminalisation: How Albania is changing its brutal communist past towards acceptance and respect for the LGBTI community.
  29. Jozef Radi – “Armiku i Popullit” në gjenetikën e diktaturës.

Autoriteti për informim mbi Dokumentet e ish-Sigurimit të Shtetit e organizon këtë konferencë në bashkëpunim me Institutin e Historisë pranë Akademisë së Studimeve Albanologjike, Institutin për Studimin e Krimeve dhe Pasojave të Komunizmit dhe Institutin e Integrimit të Ish të Përndjekurve Politikë

Konferenca do të përqendrohet nё këto tematika kryesore:

  1. Diskutim teorik mbi konceptet disidencë, disident, kundërshtar politik.
  2. Kontribute mbi debatin: A ka pasur disidencë në Shqipëri?
  3. Ngjashmëri dhe dallime në vizatimin e “armikut të popullit” midis Shqipërisë dhe regjimeve të tjera komuniste të Evropës Lindore e Qendrore.
  4. Tipologjia e “armikut të popullit” dhe sjelljes së regjimit ndaj tyre (“kriminelët e luftës”, kleri, intelektualët e shkolluar në Perëndim, tregtarët dhe pronarët, kulakët, “armiku i popullit” brenda radhëve të Frontit Demokratik dhe PKSH/PPSH).
  5. Evolucioni i konceptit “armik i popullit” gjatë viteve të diktaturës së proletariatit.
  6. Lufta e klasave dhe ndryshimet në konceptimin e saj përgjatë regjimit.
  7. Sigurimi i Shtetit si instrument përndjekjeje.
  8. Profile të ndryshme të “armikut të popullit”.

 

Komisioni shkencor përbëhet nga:

Akademik Beqir Meta (ASA)
Dr. Marenglen Kasmi (AIDSSH)
Dr. Adriana Topi (AIDSSH)
Prof. Asoc. Dr. Sonila Boçi (ASA)
Dr. Çelo Hoxha (ISKPK)

Për më shumë informacion mbi Konferencën “Fytyra e ‘armikut të popullit’ gjatë diktaturës së proletariatit në Shqipëri (1944-1990)”, nga ndiqni në faqen: http://autoritetidosjeve.gov.al/fytyra-e-armikut-te-popullit/

Për t’u informuar mbi formularin e aplikimit të përdorur për pjesëmarrje në konferencë, klikoni në linkun në vijim: https://docs.google.com/forms/d/e/1FAIpQLScsuszvs6zQ-XAILJ1_cRKeejtRP0VKOHQ8PsADtvY5CqFZEw/viewform

***

Autoriteti për Informimin mbi Dokumentet e ish-Sigurimit të Shtetit është përgjegjës për zbatimin e ligjit, lidhur me mbledhjen, administrimin, përpunimin, përdorimin e dokumenteve të ish-Sigurimit të Shtetit dhe informimin në lidhje me to, bazuar në ligjin nr. 45/2015 “Për të Drejtën e Informimit për Dokumentet e Ish-Sigurimit të Shtetit të Republikës Popullore Socialiste të Shqipërisë”.

Për të ndjekur veprimtarinë e Autoritetit, ndiqni faqen tonë www.autoritetidosjeve.gov.al ose në Facebook, Autoriteti për Informimin mbi Dokumentet e ish-Sigurimit të Shtetit 1944-1991, AIDSSH, ku mund të merret informacion për veprimtaritë e zhvilluara dhe ato të pritshme.

AIDSSH mbetet i hapur për propozime dhe bashkëpunime, me qëllim fuqizimin e dialogut dhe edukimin qytetar.